लाडकी बहीण योजनेच्या अपात्र ठरण्याची शक्यता | Mukhyamantri Majhi Ladki Bahin Yojana Guidelines

Mukhyamantri Majhi Ladki Bahin Yojana Guidelines

लाडकी बहीण योजनेच्या लाभार्थ्यांना धक्का; ‘या’ निकषांमुळे अपात्र ठरण्याची शक्यता

Mukhyamantri Majhi Ladki Bahin Yojana: राज्य सरकारच्या महत्त्वाकांक्षी मुख्यमंत्री माझी लाडकी बहीण योजनेच्या लाभार्थ्यांची फेर पडताळणी करण्याचा निर्णय घेण्यात आला आहे. महिला व बालकल्याण मंत्री आदिती तटकरे यांनी ३ जानेवारी २०२५ रोजी याबाबत अधिकृत माहिती दिली. विविध तक्रारींमुळे काही लाभार्थ्यांना अपात्र ठरवण्याचा निर्णय झाला असून, यामुळे अनेक महिलांच्या योजनेचा लाभ मिळवण्यावर परिणाम होऊ शकतो.

विधानसभा निवडणुकीपूर्वी सुरू करण्यात आलेली ही योजना महायुती सरकारला प्रचंड राजकीय यश मिळवून देणारी ठरली. मात्र, सत्तेत आल्यानंतर सरकारवर या योजनेमुळे मोठा आर्थिक बोजा पडल्याचं समोर आलं आहे. तसेच, बोगस अर्ज आणि अपात्र लाभार्थ्यांबद्दलच्या तक्रारी सरकारकडे आल्या. यामुळे या अर्जांची फेर तपासणी करण्याचा निर्णय घेतला आहे. ही तपासणी सर्व अर्जांवर केली जाणार नाही, तर फक्त तक्रारींनुसार काही अर्जांची पडताळणी केली जाईल, असे तटकरे यांनी स्पष्ट केले.

Ladki Bahin Yojana 5 Guidelines in Marathi

महाराष्ट्र महत्त्वाचे पाच निकष ठरवले गेले आहेत, ज्यामुळे काही महिलांना योजनेचा लाभ मिळणार नाही:

• ज्या महिलांच्या कुटुंबातील कोणीही इन्कम टॅक्स भरतो, त्या लाभार्थी अपात्र ठरतील.
• ज्या महिलांकडे चार चाकी वाहन आहे, त्यांनाही या योजनेचा लाभ मिळणार नाही.
• इतर सरकारी योजनेचा लाभ घेत असलेल्या महिलांना फक्त फरकाची रक्कम देण्यात येईल.
• ज्या महिलांच्या बँक खात्यावरचे नाव आणि आधार कार्डावरील नाव वेगळे आहे, त्या अपात्र ठरतील.
• ज्या महिला लग्न करून परराज्यात स्थायिक झाल्या आहेत, त्या योजनेच्या लाभासाठी पात्र राहणार नाहीत.

List Ladki Bahin Yojana Maharashtra

या निकषांमुळे अनेक महिलांना योजनेपासून वंचित राहावे लागेल, अशी भीती व्यक्त होत आहे. तरीही, ही पडताळणी सरसकट केली जाणार नसून, फक्त संशयित प्रकरणांवर लक्ष केंद्रित केले जाईल. मंत्री तटकरे यांनी असेही सांगितले की, या प्रक्रियेत किती अर्जांची फेर पडताळणी होईल, याचा निर्णय दहा दिवसांत घेतला जाईल.

Mukhyamantri Majhi Ladki Bahin Yojana: सरकारने ही योजना सुरू करताना महिलांना आर्थिक मदत आणि सक्षमीकरण हे उद्दिष्ट ठेवले होते. मात्र, सध्या या योजनेचा सरकारच्या तिजोरीवर मोठा भार पडत आहे. काही जणांनी चुकीच्या पद्धतीने या योजनेचा लाभ लाटल्याच्या तक्रारी मिळाल्या आहेत. त्यामुळे या प्रकाराला आळा घालण्यासाठी फेर तपासणी केली जात आहे, असे सरकारने स्पष्ट केले आहे.

महिला व बालकल्याण विभागाच्या या निर्णयामुळे काही प्रमाणात लाभार्थ्यांची संख्या कमी होईल. मात्र, या तपासणीमुळे योजनेत पारदर्शकता आणण्याचा सरकारचा प्रयत्न आहे. तसेच, खऱ्या गरजू महिलांपर्यंत योजनेचा लाभ पोहोचावा, हा सरकारचा उद्देश असल्याचे सांगण्यात आले आहे.

योजनेच्या अंमलबजावणीतील हा बदल महिलांच्या जीवनावर कसा परिणाम करतो, हे पाहणे महत्त्वाचे ठरणार आहे. पुढील काही दिवसांत फेर तपासणीची प्रक्रिया आणि त्याचे परिणाम समोर येतील.

Mukhyamantri Majhi Ladki Bahin Yojana Guidelines